Aisa nahi k Hum ko Mohabat nahi mili, Urdu Poetry, Urdu Heart Touching Poetry, Alone Poetry, Urdu Ghazals, Love Shayari,

Aisa nahi k Hum ko Mohabat nahi mili,
Haan jaisi chahte the wo qurbat nahi mili,

 

 Milne ko zindagi mai kai Humsafar milay,
 Lekin Tabiyatton se tabiyatt nahi mili,

 

 Chehron k har hajoom mein Hum dhondte rahey,
 Surat nahi mili tu kahin seerat nahi mili,

 

 Wo yak-ba-yak mila to bohat dair tak Hamien,
 Alfaaz dhoöndnay ki bhi mohlat nahi mili,

 

 Har shakhs zindgi mai bohat dair se mila,
 koi bhi cheez hasb-e-zaroorat nahi mili.