Tehni Pe Kisi Shajar Ki Tanha, Allama Iqbal, Allama Iqbal Poetry, Iqbal Pictur Poetry, Heart Touching Poetry,

Tehni Pe Kisi Shajar Ki Tanha
 Bulbul Tha Koi Udas Baitha

 

 Kehta Tha Ke Raat Ser Pe Aayi
 Urne Chugne Mein Din Guzra

 

 Pohenchun Kis Tarah Aashiyan Tak
 Her Cheez Pe Cha Gya Andhera

 

 Sun Kar Bulbul Ki Aah-O-Zari
 Jugnu Koi Pas Hi Se Bola

 

 Hazir Hun Madad Ko Jaan O Dil Se
 Keera Hun Agarche Mein Zara Sa

 

 Kya Gham Hai Jo Raat Hai Andheri
 Main Rah Mein Roshani Karon Ga

 

 Allah Ne Di Hai Mujh Ko Mishal
 Chamka Ke Mujhay Diya Banaya

 

 Hain Log Wohi Jahan Mein Ache
 Aate Hain Jo Kaam Dusron Ke