Majnoon nay sheher chora, tu Sehraa bhi chor day, Allama Iqbal Poetry, Allama Iqbal Urdu Poetry, Allama Iqbal Picture Poetry, Iqbal Poetry, Iqbal Picture Poetry, Urdu Poetry By Allama Iqbal,

Majnoon nay sheher chora, tu Sehraa bhi chor day
 Nizaray ki hawiis ho tu Laila bhi chor day

Wa'az! kamal-e-tarq se milti hai yaan muraad
Duniya jo chor dii hai to uqbaa bhi chor day

Taqleed ki rawish se tu behtar hai Khud-Kushi
Rasta bhi dhoond, Hiz'r ka soda bhi chor day

Mannand-e-Khama Teri zuban per hai harf-e-gair
Begana Shay pe Nazish-e-Bejaa bhi chor day

Lutaf-e-Qalaam kya je naa ho dil mein DARD-e-ISHQ
Bismil nahe hai tu to Tarapna bhi chor day

Shabnam ki tarah pholoon pe ro, aur chaman se Chal
Iss Baagh mein Qyaam ka soda bhi chor day

Acha hai dil kay pass rahay pasbanay Aqal
Lakin kabhi kabhi issay tanha bhi chor day

Hai Ashiquee mein rasam alag sab se bethna
 Buut-Khana bhi, Haram bhi, Kaleesa bhi chor day